Fit did Einstein invent, Dad?
Far’s Scotland’s biggest toon?
Foo div ye spell diarrhoea?
I cwidna say, ma loon.
Faa wrote Robinson Crusoe, Dad?
Foo much is ten times three?
Fit’s a baby puddock?
Noo son ye’re bafflin me.
Fit’s the capital o France, Dad?
Faa held oot his dish for mair?
Far aboot’s the Taj Mahal?
I doot ye’ve got ma there.
I hope ye dinna mind, Dad,
Aa this questions, said the bairn.
Michty no, jist speer awa,
It’s the only wye ye’ll learn.
- Div ye ken? - 10th May 2016